Një amerikan nga Kalamazo, Miçigan, thotë se ka në xhep 27 diploma kolegjesh, ku përfshihen edhe 20 mastera. Ai thotë se po punon edhe me dy diploma të tjera, të cilat pret t’i marrë shumë shpejt. Michael Nicholson, 67-vjeçar, thotë se e mori diplomën e parë në edukim fetar në kolegjin “William Tyndale”, në Detroid, në vitin 1963. Shumë shpejt mori edhe diplomën e masterit në teologji, nga seminari teologjik në Dallas. Nicholson që nga ajo kohë ka marrë edhe 19 diploma të tjera në master, 2 diploma ndihmësi, tre diploma specialisti dhe një doktoraturë.